Aggustip qaammataani pikkorissaanerit aallartisalerput, tassanilu aallarnisarusullutik eqqarsaatillit kiisalu aallarnisareernikunut pikkorissaanerit neqeroorutaasut iluaqutigikuttoorneqassapput.

Qeqertalik Business Council, Innovation Greenland peqatingalugu, aggustimi arfininngornerit ullaavini aallarnisaasunut tunngassutilinnik, illoqarfeqammik pikkorissaasulerluni pikkorissaatitsissaaq. Aallarnisaasumut iluaqutaalluartussat, soorlu aningaasatigut missingersuusiornerit, naatsorsuuserineq kiisalu akileraartarnermut tunngasutilinnik pikkorissaasoqarumaarmat.

Taakkualu saniatigut aallarnisareernikumik naapitsisoqarsinnaassaaq, namminersortutut oqaluttuassaminik misilittakkaminillu avitseqateqarluni isumassarsiorfiulluartunik saqqummiisussamik.

”Nuannaarutingaara kiisami sumiiffitsinni pikkorissaanerit aallartillualersinnaagatsigit. Tamanna Innovation Greenlandimit aamma aningaasaliiffigineqarportaaq, iluarusuutingeqaaralu suleqatigiinnitta inerititassaasa ilaat Qeqertalimmi suliatsinnut iluaqutaajumaartut aamma takusinnaaleratsigit” taama oqarpoq pisortaq Gerth P. Olsen.

Pikkorissaanerit Aasianni Sømandshjemmemi ingerlanneqarumaarput, taamaattorli Qeqertalimmi sumiiffinni allani aallarnisaarusullutik soqutiginnittut, pikkorissaanermut peqataarusullutik nalunaarsinnaapput Qeqertalik Business Councilimut saaffiginninnikkut.

Qulaani taakkartukkatta saniatigut Greenland Venturemit tikeraarneqarnitsinnut atatillugu, illoqarfiup namminersortui soqutiginnittuilu aggustip 18-ani ilasseqatigiinnissamut inussiarnersumillu naapeqatigiinnissamut aggersarusuppagut.

Pisussat pilersaarutaasut nittartakkatsinni qimerloorlugit annertunerusumik paasisaqarfiginerusinnaavatit – Una tooruk.