Marlunngornermi juunip 15-ani Sømandshjemmip ataatsimiittarfiani ulloqeqqarsiornertalimmik ualikkut workshop ingerlanneqassaaq, tassanilu inuussutissarsiutillit takornariaqartitsinermillu suliallit, tassunga tunngassuteqartillugu Aasianni soqutigisaminnik eqqartuinissaq pingaarnersiunissarlu naapeqatigiissutigissavaat. Tamatumani isumasioqatigiinneq 2022-mi inuussutissarsiuteqarnermi pilersaarusiassamut siunnersuusiassaasumut immersuutaasussaalluni, naggataatigut Qeqertalimmi kommunalbestyrelsimit aalajangiiffigineqartussamut. 

Peqataarusuttut mailikkut uannut allagaqarnikkut nalunaarnissaat piumasaqaatigissavara, kingusinnerpaamik ataasinngorneq juunip 14-ani nal. 13:00, tamanna inissaqarluarnissaq ulloqeqqasiornissarlu eqqarsaatingalugit piareersarsinnaaniassagatta.